leoeosseus

Monday, 28 December 2009

Viaxe en avión


O primeiro " asalto " do Nadal rematou e alá marcharon os foráneos todos. Os derradeiros foron os norteamericanos que xantaron aquí antes de seguir viaxe para coller avión. O xantar foi bo e de alimentos que alí dificilmente proban coma o polbo, o chourizo e bacallao. Todo regado con viño da casa e pan un chisco diferente ao norteamericano. Houbo charlas e aprendín que as criadillas chámanlles " mountain oysters " ( ostras de montaña ) por aquelas terras.

Agora quédalles a volta agrisada polos atentados aéreos e con medos e seguridade máxima. Os nacidos norteamericanos non son sospeitosos pero os estranxeiros ou nacionalizados alá xa é outro cantar. Menos mal que o presidente Feijoo mandou a Galician Born Security Cart ao tío Pepe cando foi das eleccións xunto coa propaganda política. Nesa Carta, de validez internacional, otórgase unha especie de título de garantía personal onde o titular consta como persoa legal e fóra de sospeita á hora de seguridade nacional contra terrorismo e delincuencia. Para que logo se fale mal de Feijoo !.
Así que agora só queda desexarlles bo retorno.
Máis información sobre a Carta aquí.

Labels:

9 Comments:

At 29/12/2009, 01:18 , Blogger Cuspedepita said...

Unha no saco ! Eu xa vin a carta ;-)

Bicos e que comecedes ben o ano.

 
At 29/12/2009, 15:16 , Blogger Suso Lista said...

Que teñades un moi bo ano. Bicos pra toda a familia

 
At 29/12/2009, 20:09 , Anonymous F. Míguez said...

¡Os mellores desexos para 2010!

 
At 29/12/2009, 20:44 , Blogger Chousa da Alcandra said...

Eu tamen fun ver a carta. Nunca tal cousa pensaría eu por min mesmo de Feijoo. Manda carallo!

 
At 30/12/2009, 01:43 , Blogger fonsilleda said...

Nunca tal pensara eu, coitadiña, que faría Feijoo.
Cousas veredes.
Bo ano.

 
At 30/12/2009, 01:58 , Blogger Eva G. Rei said...

O que é a curiosidade, eh?
Moi bo o gancho da carta do Feijolito... xa me parecía a min raro que ti defendeses algún políticos... En fin, despois de anos sen facer nin recibir ningunha inocentada este ano fíxenlle unha ben boa ao home e logo recibín eu outra boa del e por riba a túa.
Quererá dicir algo?
Vémonos este ano ou para o ano que vén?

 
At 30/12/2009, 19:00 , Blogger zeltia said...

eu, por suposto, non fun ver carta ningunha!

qué bo nadal pasastes con eses intercambios culturais... e culinarios!
¿e tí cando andiveches por as lonxanas terras probaras as ostras esas da montaña? :-)

 
At 30/12/2009, 22:43 , Blogger ♥ meninheira said...

HAHAHAHA picamos, picamos!!!!

(aínda a vin hoxe)

Un bico e feliz aninovo (eu tamén agardo que este sexa bo!!)

 
At 02/01/2010, 10:35 , Blogger abueloscrisytoño said...

Estupenda a carta non digo nada do contido para que os próximos poidan lela e sorprenderse. Bicos. A.Cris
Hoxe que esta Antonio só na tenda voulle a dicir que a lea para que se entreteña

 

Post a Comment

Subscribe to Post Comments [Atom]

Links to this post:

Create a Link

<< Home