leoeosseus

Tuesday, 24 November 2009

Anexo da matanza

Seguindo a solicitude dalgúns comentaristas vou explicar algunhas palabras do posteo anterior.
As colmeiras de centeo son unha especie de fachucos feitos con centeo como sae na primeira foto.
A Karcher é a pistola de auga a presión. A vide do xamón é un tendón pola zona do calcañar. Os courachos son a parte da pel do porco coa graxa pegada. Se son grandes fanse roxóns con eles. Ventrechas son as zonas graxentas debaixo da teta ou no cu do animal e é unha parte de pouco valor. Carroleira é a zona da médula espiñal. O solombo sería a carne das costas cerca da médula. As papelas son as papadas do porco. O munico é un cesto plástico e a bareixa é a mosca que pode criar na carne.

E agora vou pór algunhas fotos desta Galicia caníbal que dicía a canción.
Arriba está o momento do chamuscado para eliminar os pelos dos porcos.


Logo trasládanse na escada a outro lugar para lavalos coa máquina a presión. Hai anos, pero non muitos, lavábanse con auga e frotábanse con pedras.

E aquí está o menda co mandilón preparado para picar carne. A roupa de traballo quedara mollada de ir ao monte a buscar leña e houbo que vestirse deste xeito.

Labels: , ,

16 Comments:

At 24/11/2009, 23:33 , Blogger An said...

Nos "queimamos" o cocho con pico e logo cepillamolo cun cepillo dos do pilón. Saúdos e apertas

 
At 25/11/2009, 00:43 , Anonymous Dedoenlasopa said...

Qué boa foto en mandilón!!

Pégoche un vídeo sobre a matanza. Bastante curioso e cheo, por supusto (isto é Galicia), de contrastes. Esto de non poder matar o porco preto do camiño de Santiago non o sabía.

Un saúdo

http://www.youtube.com/user/webdeztv#p/u/227/r6m2X8vC--A

 
At 25/11/2009, 00:44 , Anonymous Dedoenlasopa said...

Agora si que entra todo o enlace

http://www.youtube.com/

user/webdeztv#p/u/227/

r6m2X8vC--A

 
At 25/11/2009, 00:49 , Blogger fonsilleda said...

Non estoy certa de que na miña casa coincidiran todos os nomes.
E que..., fai tanto tempo xa...
Bicos,

 
At 25/11/2009, 08:38 , Blogger Eva G. Rei said...

Moitas grazas pola clase maxistral sobre a mata: tes que facer un glosario co léxico que sabes (tes que contribuír ao "dicionario de ausencias" http://mais.vieiros.com/letras2001/mostra_ausen.php?grupo=1)

E parabéns pola túa foto co mandilón: pensei que non ías ser quen de poñela... tes un "aquel" co demo da bata... que dá gusto verte.

 
At 25/11/2009, 08:47 , Anonymous F. Míguez said...

Lendo este artigo, e máis o anterior, penso qué grande é nosa cultura, que aínda mantén o aprendido en séculos de supervivencia.

 
At 25/11/2009, 15:57 , Blogger Bolboreteira said...

Antes de nada permitame decir señor Paideleo que está usted monisimo co mandilón.
A min nunca che me gustaron demasiado as matanzas, ni me gustan.O que menos oir berrar os pobres porcos.
Pero o que si me apunto sen dudalo é a papatoria deses días, canta cousa rica..
Un bico!

 
At 25/11/2009, 16:19 , Blogger Meninheira said...

hahaha tas ghuapísimo!!

Eu son como bolboreteira, e prefiro o mínimo sufrimento, animal ou humán.

Por certo que eu creo que o da "Galiza caníval" non ía por isto ;)

bicosssss

 
At 25/11/2009, 20:47 , Blogger abueloscrisytoño said...

Moi ben, esta entrada completa a anterior. Estas feito todo un experto, tamén as fotos son moi bonitas de ver e a túa xa non digamos.
A.Cris

 
At 25/11/2009, 20:56 , Blogger Chousa da Alcandra said...

Non sei que tal fas os labores da matanza (eu xanto ben);pero equipado vas que nin diola.

Apertas

 
At 26/11/2009, 09:24 , Blogger Carlos Sousa said...

Como cambian os nomes dunha zona a outra. Nos que estamos tan cerquiña algúns son diferentes, coma o que lle chamades papelas, que por aquí é as zafeiras.

Vin enlazado o teu post anterior no "Vieiros", en blogomillo.

 
At 26/11/2009, 11:47 , Blogger Shucran said...

Vaia, non coñecía esas palabras, grazas pola explicación! Sempre me deron pena as matanzas dos animais, pero a miña avoa tamén os queimaba e despois cepillábaos (iso si, cun cepillo dos máis fortes que tiña).
Por certo, moi boa vestimenta ;)

Apertas!

 
At 26/11/2009, 16:17 , Blogger brabido said...

O primeiro que se comia do porco nesta casa eran os "miolos".

 
At 26/11/2009, 17:42 , Blogger Merce said...

Pero o traballiño que da a mantanza, verdade? o mellor e a festa que se fai.

A min tocabame atar nos chourizos e o que mais me gustaba era probar a zorza, ben feitiña nas braxas da lareira nunha tixola que so era para tal menester.

E mira ti, que na miña casa a tal mosca chamamoslle "areixa" pero ia ser que non, que é "bareixa". Graciñas que me vou sabendo algo mais.

Biquiños.

P.D. non vou ser menos de comentar á bata... :) e caseque che pinta moi ben :)

 
At 26/11/2009, 18:31 , Anonymous Zeltia said...

grazas por contar todo polo miudo,
das partes do porco é normal que non coñecera, (non sei nin pedir na carnicería de qué parte quero que me dean a carne para guisar ou para asar!)
e nome da mosca tampouco o sabía.
pola zona de silleda, santa cruz de ribadulla, a estrada etc. ás colmeiras chamámoslle monllos

naturalmente non podo pasar por alto o ghuapísimo que estás co mandilón de muller.

 
At 26/11/2009, 21:04 , Anonymous aopedofarelo said...

Nos por aqui tamen como cada ano andamos de matanza, polo San MArtin..treman os porquiños....
E realmente cruel ¡¡¡pero non lle ai que facer estanse tan bos os condenados¡¡¡

 

Post a Comment

Subscribe to Post Comments [Atom]

Links to this post:

Create a Link

<< Home