leoeosseus

martes, 13 de outubro de 2009

Empeza o control



O Leo xa está muito millor. Supoño que o tratamento e os comentarios " blogodesexantesdeboasaúde " axudaron bastante. Graciñas !.
E paso a outro asunto. Hai pouco foi o aniversario do Leo e xuntou agasallos e cartos así que decidimos romper o peto e xa hai unha cantidade xeitosa. Decidimos abrirlle unha conta pero o neno ten que ter un NIF así que fomos facerllo e dixéronnos que era millor facer o DNI pola coincidencia de número e tal. Fomos informarnos e hai que seguir o sistema primitivo de erguerse cedo para coller un dos 40 números diarios que reparte o funcionario. Aparte do madrugón eu miro outro defecto: a foto. A foto que lle fixemos ao Leo é bastante máis fea que esta que puxen de exemplo.
En fin, sempre queda o consolo de que hai que renovar o DNI cada certo tempo e, con el, a foto.

Etiquetas:

11 comentarios:

Ás 13/10/09, 23:20 , Anonymous Anónimo dixo...

Espero que se recupere por completo.
O madrugón é molesto, pero hai quen o fai de bo gusto só para poder cambia-la foto...
Saúdos!

 
Ás 14/10/09, 00:08 , Blogger abueloscrisytoño dixo...

Un bico moi forte para leo (hai que facerlle un pouco a pelota agora que é millonario con conta corrente e todo)
Pois ben, querido Leo tes un regalito gardado na nosa casa para cando queiras ou poidas vir visitarnos.

 
Ás 14/10/09, 00:15 , Anonymous Anónimo dixo...

Que ben que xa vaia mellor! (Xa sabe: dan moita pena pero logo todo volve ao seu)
Non se preocupe pola foto: coñece alguén que estea guapo no DNI?

 
Ás 14/10/09, 08:00 , Anonymous F. Míguez dixo...

O cativo ten maneiras de fortachón, así que non ha de ter moitos problemas cos outonos e demais cambios de estación.
Para renovar o meu carné, a min saiume un truco: normalmente, acaban de tramitar eses corenta números bastante antes da hora de arrearen, así que teñen que seguir alí atendendo ó público. Os que estean agardando, pasan por orde de chegada, así que presentándose alí a iso da unha ou unha e media...

 
Ás 14/10/09, 08:48 , Blogger Eva G. Rei dixo...

Que ben que xa volva estar san. Xa sabes, "o que non mata, engorda".
E por certo que estaba ben máis guapo nesa outra foto: un indio con outro indio pegan ben.
Cando lle fagades o DNI xa contarás que tal lle queda a sinatura...
Bicos.

 
Ás 14/10/09, 09:42 , Blogger A lareira de Santiso dixo...

Xa está fichado. Acabóuselle a inocencia

 
Ás 14/10/09, 10:11 , Blogger Carlos Sousa dixo...

Que ben que se está a millorar. Cando pasen os anos e vexa a foto do seu primeiro DNI, stará desexando renovalo. E quen non, se ó final nótanse os paso dos anos que non vexas.
Unha aperta para todos, e coidado cos madrugóns

 
Ás 14/10/09, 21:07 , Blogger BRABIDO dixo...

Animo se vae a mellor son boas novas, do tema do carnet eu pa renovalo vou a Salvaterra que creo que inda existe,deixo a foto,firmo e a un mes paso a collelo novo.

unha apreta

 
Ás 15/10/09, 18:47 , Blogger fgul dixo...

Olá Paideleo!! Tedes unha encomenda no meu blogue. Agardo entredes na brincadeira lectora!!!

 
Ás 15/10/09, 23:45 , Blogger An dixo...

home, metédellos nunhas letras do tesouro, que cun pouco de sorte cando teña dezaoito anos é rico :D Aledome de que este xa ben, e non vos preocupedes das fotos do carton de identidade, senpre rematamos por parecer delincuentes. SAúdos e apertas

 
Ás 17/10/09, 11:35 , Blogger Chousa da Alcandra dixo...

Si señor, como dixo a santisiana, agora xa está fichado tamén o Leiño...

 

Publicar un comentario

És humano ti ?

Subscribirse a Publicar comentarios [Atom]

<< Inicio