leoeosseus

Thursday, 17 September 2009

Visita familiar



Pois o Leo segue cos seus choros no cole e non entende como agora vai a outro cole onde non está Susana, a nena que lle trababa na cara, ou Rebeca, a profesora. Nós dicímoslle que agora é maior e ten que cambiar de cole e el di que non vai chorar pero non nos convence. A ver mañá.

Onde si o pasa ben é en Arbo e máis coa visita de familiares dos EEUU. Gracias a eles coñecín os Dragos, que son os montes da foto. Tamén souben da frase " son of a gun " que é unha forma fina de dicir " fillo de pu... " e lembrei a palabra " foos ball " xogando ao futbolín. Decateime de que estou perdendo o meu pouco inglés e de que o tío Pepe segue estando no grupo dos bós e xenerosos. Sorprendinme gratamente de ver o fillo e a súa noiva mollando rosquillas en viño tinto coma se fosen de aquí.

A súa ida e unhas pingas do ceo avísannos de que está rematando o verán.

Labels: , ,

7 Comments:

At 17/09/2009, 10:31 , Blogger Kaplan said...

O verán, Paideleo, acabou xa: por iso chora o Leíño que ten que ir á escola. Déanlle tempo e irá encantado.

 
At 17/09/2009, 10:52 , Blogger Carlos Sousa said...

O verán quédanlle días contados e vaise notando nas noites e nas mañáns que xa están fresquiñas, pero é o que toca.

A ves se Leo se adapta e para rápido de chorar, eu tiven moita sorte.

Saúdos

 
At 17/09/2009, 17:39 , Blogger Caralladas said...

Saúdos paideleo, únome ó seu blog, aínda que xa sabía de vostede polo blog de suso lista.

Un saúdo.

 
At 17/09/2009, 18:23 , Blogger elvira carvalho said...

Por aqui o Verão continua. Sol diário calor.
Nestas idades as crianças costumam adaptar-se rapidamente a novos ambientes.
Um abraço

 
At 17/09/2009, 21:07 , Blogger brabido said...

Arbo terra da lamprea e da aguardente moi bos paixases en direccion Crecente.

PRAADIANTE

 
At 18/09/2009, 08:33 , Blogger Eva G. Rei said...

Onde están os Dragos?
Hai que ir alá que parecen ben fermosos...
E o outono éo tamén: refrescan as noites (e dúrmese mellor), vén a vendima e logo a fermosura da caída da folla, as festas do Cristo, bo tempo para paseos polo monte, o magosto...
Pódese aproveitar ben.

 
At 19/09/2009, 14:58 , Blogger Chousa da Alcandra said...

Non sei polos EEUU, pero aquí tamén refrescou de moito carallo. Esta noite, sen ir máis lonxe, tiven que erguerme de noite e botar unha manta enriba, que notaba eu friaxe no meu corpo serrano.
Hai que adaptarse á nova estación que chama á porta.
De igual xeito, o Leiño terá que ir adaptándose ó seu novo cole e compañías novas. Pouco a pouco.

Apertas

 

Post a Comment

Subscribe to Post Comments [Atom]

Links to this post:

Create a Link

<< Home