leoeosseus

Sunday, 21 October 2007

Casa da auga de Vide

Onte fixo calor e houbo xente que foi á praia. Non estaba " abarrotada " como dicía o FarodeVigo pero algunha xente si que había...e bañándose e todo.
E hoxe puiden visitar a Casa da Auga en Vide, As Neves. É un museu instalado na casa rectoral onde hai paneis con fotos e obxectos que explican a relación que teñen na zona coa auga. Falan tanto do regadío coma de muiños pero o que máis tratan é sobre a pesca da lamprea dende os pescos construidos para ese propósito.
Na foto de abaixo vese xente con corozas pescando meixóns. Non puiden evitar facer a foto desta imaxe que semella un retrato de aborixens norteamericanos e non xente veciña de hai menos de cen anos.


Labels:

9 Comments:

At 21/10/2007, 23:09 , Anonymous susolista said...

Hai moitas cousas na Galiza, que parece que o tempo nas gastou. Por certo, aquí o meixons pescanse denoite.

 
At 22/10/2007, 12:32 , Anonymous peke said...

Pero esa foto é actual?

 
At 22/10/2007, 13:24 , Blogger oko said...

eran os mellores impermeables da época! non entraba nin unha gota! pero agora non me dá saído a palabra que usa meu pai para nombralos...

 
At 22/10/2007, 16:50 , Blogger Fada Branca said...

e esa foto é de hoxe, de hai poucos anos?

 
At 22/10/2007, 17:14 , Blogger busto.agolada said...

Interesantes as dúas imaxes: o museo e a coroza. Cada vez coñezo mellor o sur da provincia. Saúdos

 
At 22/10/2007, 21:03 , Anonymous jan said...

Que alucinante a fotografía! Por certo que son os meixóns?

 
At 22/10/2007, 21:58 , Blogger paideleo said...

A foto non é actual, creo que é dos anos corenta e eses homes estaban pescando meixóns que son as crías das anguías.
A coroza era bastante usada pola zona do río Miño e estaba feita de colmo ou palla de centeo e parece que era bastante impermeable.

Graciñas polo interés e os comentarios.

 
At 23/10/2007, 09:54 , Blogger abueloscrisytoño said...

Parece que pasaron moitos anos vendo esa foto... pero non son tantos !canto cambiou isto.

 
At 23/10/2007, 16:01 , Blogger torredebabel said...

moitas veces, o noso fala do alleo, e o alleo do noso.

 

Post a Comment

Subscribe to Post Comments [Atom]

Links to this post:

Create a Link

<< Home