leoeosseus

Saturday, 14 July 2007

Alaghando o canastro


Onte o avoM levou un susto que volcou o tractor xusto á beira da casa de Arbo. El puido saltar a tempo e non lle pasou nada. O tractor está un pouco mal pero cunhas reparacións seguirá a súa vida útil.
Hoxe iamos de camiño a Arbo e a xente do campo recollía patacas, cortaba herba ou sulfataba viñas. Estes días son días de muito traballo nos campos. Nós non fixemos nada diso porque fomos tirar o canastro que sae na imaxe. Cando chegamos xa estaba feito anacos no chan que caiu cun par de golpes de marreta ben dados. O que si tocou facer foi carrexar os restos para fóra para facer un aparcadoiro na entrada. No sitio do canastro van colocar unha mesa para comidas familiares e van traer outro canastro que estaba abandonado noutra parroquia para colocalo nun espacio da horta.
Por outra banda, o Leo xa agataña e xa mercamos unha barreira para que non fuxa da sá de estar pola casa adiante. Agora toca vixialo ben e procurar que non toque a Colín que está mui sensible dunha pata e chía só con tocarlla.

Labels: , , ,

4 Comments:

At 15/07/2007, 01:06 , Anonymous peke said...

Parece que o Leo é un perigo para Colin. A coidar dos dous, que bo traballiño ides ter.

 
At 15/07/2007, 12:42 , Blogger Torreira said...

O importante é que o avo este ben (que as veces os tractores sonche moi falsos).Aperta

 
At 15/07/2007, 23:21 , Blogger paideleo said...

O avó está ben e o Leo está sempre agarrado á barreira que quere saír atrás do Colín.
Haberá que ter paciencia.
Graciñas polos comentarios.

 
At 27/08/2007, 21:47 , Blogger Pau said...

Haiche que ter moito coidado cos tractores, que últimamente están a producer algunhas desgrazas.
Saudos

 

Post a Comment

Subscribe to Post Comments [Atom]

Links to this post:

Create a Link

<< Home