leoeosseus

Saturday, 28 April 2007

Un momento de conexión

Aquí sigo enleado cos mobles e co choio e demáis xestións e non teño tempo para postear. Aparte temos o portátil desconectado da interrede e a desconexión é aínda maior.
Esta semana que remata quería falar do meu segundo aniversario na rede ( cando empecei sendo Acedre nos EEUU ). Tamén quería falar do día do libro e de trapalladiñas que aprendo no choio e da xente do choio que caza lampreas coa fisga no río Tea de noite e respostar a recados que me mandan blogueiras pero non pode ser. Por non poder ser tampouco pode ser subir unha foto co Leo que fixo os sete meses onte e comeu carne por primeira vez na súa vida e non lle fixo muito tilín pero bueno. Do resto segue progresando e cada día proba un son bucal novo e gústalle que lle canten e lle fagan , como din por Acedre, tiligas ( cóxegas en galego normativo, cóxicas en galego de Arbo ).
E así anda o asunto todo. E mañá sairá unha reportaxe en El Progreso de Lugo e pode ser que saia unha foto do Leíño co PaideLeo. Eu non podo ir alá mercalo que mañá é a festa da lamprea en Arbo e toca paparotada.
Esta semana que vai entrar seguirei así desconectado e espero normalizar a situación na seguinte semana.
Así que pasáio ben e chauciño.

Labels: , , ,

22 Comments:

At 28/04/2007, 12:18 , Blogger X said...

A ver se lle gusta a lamprea :)
Saúdos para toda a familia e chauciño.

 
At 28/04/2007, 15:16 , Anonymous Anonymous said...

Cando teña tempo visite o meu blog. Alí colguei un post sobre o maternés que adico a Leo.

Mrs.Doyle

 
At 28/04/2007, 22:56 , Blogger cris said...

Felicidades polo aniversario blogueiro, inspiras a moita xente.Duro coa cociña!

 
At 29/04/2007, 14:13 , Blogger Marinha de Allegue said...

P A R A B E N S !!! de verdade que sempre é un gustazo pasar por aquí...

Beijos para os tres.
:)

 
At 30/04/2007, 09:55 , Blogger Oskiña said...

Moitos parabéns polo teu "bloganiversario" :-)

 
At 30/04/2007, 12:09 , Blogger *Sara said...

Noraboa ao Leíño e a ti tamén!! :) Agardo que nos concedas o gustazo de seguir lendo as túas historias por moitos anos máis.
Biquiños!

 
At 30/04/2007, 12:30 , Blogger moucho branco said...

tranquilo, non pasamos lista, :)

sempre hai épocas nas que é mais complicado postear. Aquí agardamos, impacientes.

 
At 30/04/2007, 15:17 , Blogger XurxoCimaDeVila said...

hoxe vou ir ver logo o xornal de onte a ferreira e de paso tomo un café e a ver se vos vexo a ti e a leo nel...
non traballes moito q eso de que é salud pode ser, pero na sua medida!
saudos!

 
At 01/05/2007, 12:13 , Blogger sz said...

Alégrome de ver que Leo medra e dá alegrías e sobre o da Lamprea que pena non poder estar en Arbo...
Unha aperta

 
At 02/05/2007, 01:16 , Blogger torredebabel said...

pois non tardes en voltar. E trae, se podes, o artigo!

 
At 02/05/2007, 20:37 , Blogger Suso Lista said...

Cochéghas, dise en Corme. Por certo que miña irman Lurdes está en Arbo dando escola, ou como se chame ahora a eso.

 
At 03/05/2007, 00:42 , Anonymous xurxocimadevila said...

xa vos vin os dous no progreso, saistes os dous que nin diola! daba xenio vervos!
saudos!
;)

 
At 05/05/2007, 13:45 , Anonymous jan said...

Tiligas...Nunca escoitara tal, e que temos un vocabulario nesta nosa terra!

Seguro que saíchedes ben guapos na foto do progreso...Cando hai bo material!!!

Moitos bicos par aos tres.

 
At 05/05/2007, 14:22 , Blogger Torreira said...

Parabens paideleo,que ben merecidos os ten

 
At 05/05/2007, 17:23 , Blogger besbellinha said...

eu tiña escoitado teligas, da zona de As Pontes e por aí arriba. Estás tardando e a ver se xurxocimadevila, comparte Progreso que estaría ben botarlle un vistazo.
Bicos acedre e familia.

 
At 05/05/2007, 19:56 , Blogger busto.agolada said...

Pois si que estás ben ocupado desta vez. A ver se rematas axiña esas faenas e nons segues ilustrando a vida. Saúdos e ata pronto.

 
At 06/05/2007, 22:10 , Anonymous xulioDRabal said...

Se non dispós da reportaxe do Progreso téñoa eu. Dimo, que cha fago chegar.

 
At 07/05/2007, 01:33 , Blogger dorvisou said...

Unha aperta...mentras esperamos.

 
At 07/05/2007, 08:52 , Blogger Veloso said...

Espero que xa esta semana dispoñas de máis tempo. Alégrome dos progresos de Leo e agardo que pronto poidamos ver no teu blog a Leo no Progreso.

 
At 07/05/2007, 21:07 , Anonymous pepe penas said...

Noraboa polo aniversario do Blog. Lembrome a primeira vez que vin un comentario de acedre...Costoume un chisco de traballo entender o que quería dicir eueoseeuu.
Unha aperta

 
At 08/05/2007, 10:35 , Anonymous vanessa de santiso said...

Parabéns polo teu blog, e graciñas por visitar o meu. Tache ben bonito o cativo! Debe ser ben gustoso eso de velos medrar. Por certo: os iachas son unha tropa de amigos, todos de Santiso, moi enraizados todos... Calquera día achégaste a Santiso e preséntochos.
Así que andas montando mobles? Eu teño un garaxe cheo de mobles de Ikea pendentes de montar... dende hai 10 meses ..jjaajajajaaj.
Unha aperta.

 
At 10/05/2007, 15:41 , Blogger O Breogán said...

Cando voltes xa o Leo vai ser un home feito e dereito!

Un saúdo e parabéns mil!

 

Post a Comment

Subscribe to Post Comments [Atom]

Links to this post:

Create a Link

<< Home